Túrkistan men Indoneziianyń arasy jaqyndai tústi
Indoneziialyq ziiaratshylar ásirese, Túrkistan óńirinde ornalasqan Arystan Bab jáne Qoja Ahmet Iassaýi kesenelerine, ańyz boiynsha Muhammed Paiǵambardyń sahabasy bolǵan Úkásh atanyń qudyǵy, qupiiasy men syry mol alyp «Aq meshit» úńgirine óte qyzyǵýshylyq tanytady eken.
Jyl saiyn Saýd Arabiiasyna Ýmra jáne Qajylyq jasaýǵa Indoneziiadan milliondaǵan musylmandar aǵylyp keledi. Ýmra ǵibadatyn oryndaǵannan keiin ziiaratshylardyń basym bóligi Ortalyq Aziianyń kieli oryndaryna sapar shegedi.
«Túrkistan» ÁKK» AQ filialy «Turkistan Invest» syrtqy bailanystar jónindegi basqarýshy direktory Baian Kaiýpovanyń aitýynsha, kelissózder sátti bolǵan.
«Ortalyq Aziia elderine jasalatyn týrmarshrýttarǵa Ózbekstandaǵy ejelgi Buqara, Samarqand qalalary, Iordaniiadaǵy jartasta soǵylǵan Petra qalasy, jáne ózge de elder engen. Endigi kezekte baratyn jerdiń geografiiasy keńeiedi. Oǵan Túrkistan oblysynyń kieli nysandary enedi dep josparlanýda», – deidi ol.
Kelissózder barysynda indoneziialyqtar tarapy Almaty men Djakarta qalalary arasynda tikelei áýe bailanysyn ashýdy usyndy. Búgingi tańda Almatydan Djakartaǵa Malaiziia astanasy Kýala-Lýmpýr arqyly ǵana ushyp barýǵa bolady.
Indoneziia prezidentiniń arnaiy ókili Adatiia Perdona «Djakarta-Almaty tikelei áýe reisin ashý sizderdiń óńirlerińizge baratyn týristerdiń, onyń ishinde ziiaratshylardyń sanyn arttyrýǵa úlken serpilis beredi. Búginde Indoneziiada 270 mln. jýyq turǵyn ómir súredi, onyń 90 paiyzyn musylmandar quraidy. Meniń oiymsha, bizdiń ziiaratshylardyń kóbisi Túrkistanǵa barý múmkindigin mindetti túrde paidalanady», – dedi ol.
Bul kezdesý Túrkistan oblysy delegatsiiasynyń Malaiziia jáne Indoneziia memleketterine jasaǵan roýd-shoýy aiasynda ótti. Delegattar qatarynda: Túrkistan oblysynyń Týrizm jáne syrtqy bailanystar basqarmasy, «Túrkistan» ÁKK» AQ filialy – «Turkistan Invest» kompaniiasy, Túrkistan oblysynyń týrizm indýstriiasyn damytý assotsiatsiiasy, «Turkistan Tourism Center» aqparattyq ortalyǵy, «Aray Deluxe Thermal Resort» shipajaiy jáne de «Sky Way», «Týrkestan Elit týr», «Ekspeditsiia Iýg» týristik operatorlary boldy. Issapar Túrkistan oblysynyń týrizm jáne syrtqy bailanystar basqarmasynyń uiymdastyrýymen ótti.
Túrkistan oblysy ákiminiń baspasóz qyzmeti
