Túrkiiada Qazaqstan Prezidentiniń bastamasymen salynǵan Qoja Ahmet Iasaýi atyndaǵy mektep ashyldy, dep habarlaidy dalanews.kz.
Rásimge Qasym-Jomart Toqaev pen Rejep Taiip Erdoǵan qatysty. Mektep 2023 jylǵy jer silkinisinen zardap shekken Gaziantep provintsiiasynyń Nurdaǵy qalasynda ornalasqan.
Zamanaýi bilim oshaǵynda 32 bastaýysh jáne 4 mektepke deiingi synyp qarastyrylǵan. Ǵimarattyń jalpy aýdany – 6 myń sharshy metr.
"Bilim berý salasyndaǵy yntymaqtastyq jalǵasady. Qazaqstan men Túrkiia Qazaqstanda "Maarif" Túrik qorynyń eki mektebin ashý týraly memorandýmǵa qol qoidy", - dep jazylǵan ministrlik habarlamasynda.
2023 jylǵy 6 aqpandaǵy joiqyn zilzaladan zardap shekken óńirge arnalǵan jańa mektep salý bastamasyn Qazaqstan Prezidenti Qasym-Jomart Toqaev kótergeni belgili.
