Túrki memleketteri uiymy kelesi jyly birlesken spýtnikti iske qosady, dep habarlaidy dalanews.kz.
Jasandy intellekt jáne tsifrlyq damý ministrligi málimetinshe, Ázerbaijan, Túrkiia jáne Ózbekstannan kelgen áriptesterimen tyǵyz yntymaqtastyqta jasap jatqan CubeSat-12U ǵylymi-tehnologiialyq spýtnigi negizgi jobaǵa ainalǵan.
Astanadaǵy ǵarysh salasynyń mamandary otandyq qurastyrý-synaý kesheni bazasynda jobalaý men jalpy qurastyrýǵa jaýapty, Ózbekstan tarapy qozǵaltqysh qondyrǵysyn ázirlep jatyr, al Túrkiiadan kelgen seriktester jobany kún panelderimen jáne baǵdarlamalyq jasaqtamamen qamtamasyz etedi.
"Biz úshin bul joba jai ǵana kezekti apparatty iske qosýdan áldeqaida joǵary. Biz qazaqstandyq spýtnik jasaý isi, ózbek injeneriiasy, túrik IT sheshimderi siiaqty quzyretterdi biriktirdik. Kelesi jyly spýtnik orbitaǵa shyqqanda, bul túrki memleketteriniń eń kúrdeli ǵylymi mindetterdi birlesip iske asyrýǵa qaýqarly ekenin dáleldeitin ortaq tabys bolady", - dedi premer-ministrdiń orynbasary - jasandy intellekt jáne tsifrlyq damý ministri Jaslan Mádiev.
Jobany iske qosý kelesi jylǵa josparlanǵan.
