Belgili akter, ustaz Tuńǵyshbai Jamanqulov Baiqońyr óńiriniń burynǵy ataýyna qatysty estigen derek ózine erekshe áser etkenin aitty, dep habarlaidy dalanews.kz.
Óner qairatkeriniń sózinshe, ol jaqynda Baiqońyr aimaǵynyń ertedegi tarihi ataýy týraly bilgen. Akter bul meken buryn «Jerkindik» dep atalǵanyn jetkizdi.
«Jaqynda Baiqońyrdyń el bolyp turǵan kezdegi alǵashqy ataýyn estidim. Tóbe shashym tik turdy. Burynǵy ataýy – Jerkindik eken. Dál sol jerden búginde adamzat ǵaryshqa samǵap jatyr», – dedi Tuńǵyshbai Jamanqulov.
Akterdiń aitýynsha, «Jerkindik» ataýynyń máni tereń. Ol bul sózdiń astarynda qazaq halqynyń keń dúnietanymy, erkindikke umtylǵan rýhy men kóregendigi jatqanyn atap ótti.
Tuńǵyshbai Jamanqulovtyń bul pikiri áleýmettik jelide qyzý talqylandy. Jeli qoldanýshylary óner iesiniń oiyna qoldaý bildirip, kóne ataýdyń maǵynasy erekshe ekenin jazdy.
Pikir qaldyrǵandar arasynda «mundai oilardy tyńdai bergiń keledi», «Jerkindik – maǵynasy tereń ári ádemi ataý», «babalarymyzdyń danalyǵy tańǵaldyrady» degen pikirler boldy.
