AQSh prezidentiniń arnaiy ókili Kit Kellog Fox News arnasyna bergen suhbatynda Donald Tramp ákimshiligi Ýkrainaǵa alys qashyqtyqqa soqqy berý múmkindigin paidalanýǵa ruqsat etkenin málimdedi, dep habarlaidy Dalanews.kz.
Kellog júrgizýshiniń «Kiev Aq úiden Resei aýmaǵyna soqqy jasaýǵa ruqsat aldy ma?» degen suraǵyna jaýap bergen.
«Meniń oiymsha, Tramptyń ózi, sondai-aq vitse-prezident Djei Di Vens pen memlekettik hatshy Marko Rýbio aitqanyn eskersek, jaýap aiqyn: iá, soqqy berý múmkindigin paidalanyńyzdar», – dedi.
Kellogtyń aitýynsha, Reseide «qol jetpeitin». Degenmen ol soqqylardyń naqty qandai qarýmen jasalatynyn ashyp aitpady.
Sondai-aq, ol Ýkraina prezidenti Vladimir Zelenskiidiń 1500 shaqyrymǵa deiingi qashyqtyqta ushatyn Tomahawk qanatty zymyrandaryn suratýy osy sheshimmen bailanysty bolýy múmkin ekenin boljady.
Sonymen qatar, Kellog Vashingtonnyń bir kezderi Kievke mundai ruqsat bermegenin de rastady. Jaqynda WSJ jýrnalisteri Tramp Zelenskiimen áńgimesinde AQSh qarýyn Resei aýmaǵyna tereń soqqy jasaýǵa qoldanýǵa qarsy emestigin aitqan bolýy múmkin dep jazdy. Alaida derekkózdiń aitýynsha, bul ázirge tek sóz júzindegi málimdeme bolyp, eshqandai zańdyq qadamdarmen bekitilmegen.
Belsendi Qýanysh Edilhanteginiń aitýynsha, Briansk oblysynda drondarmen "Elektrodetal" Karachevskii zaýyty soqqylanǵan. Zaýyt áskeri jáne óndiristik elektrikalyq qosylýlar (soedinitel) óndirýmen ainalysqan.
