AQSh prezidenti Donald Tramp Iranmen eki aptaǵa atysty toqtatý jónindegi kelisim jáne aldaǵy kelissózder aiasynda Taiaý Shyǵysta "altyn dáýir" bastalatynyn málimdedi, dep habarlaidy Dalanews.kz.
"Álem úshin mańyzdy kún! Iran da sony qalaidy, olar da, basqalary da sharshady. AQSh Ormýz buǵazyndaǵy jaǵdaidy retteýge kómektesedi. Alda kóp oń ózgeris bar. Úlken tabys túsedi. Iran qalpyna kelý úderisin bastai alady. Bul Taiaý Shyǵys úshin altyn dáýirge ainalýy múmkin", - dep jazdy ol Truth Social jelisinde.
Sondai-aq, Donald Tramp AQSh "bári durys júrgizilýi úshin qashan da janynda bolatynyn" atap ótti.
Eske salaiyq, buǵan deiin Prezident Qasym-Jomart Toqaev Pákistan premer-ministri Shahbaz Sharif pen Pákistan Qarýly kúshteriniń bas qolbasshysy, feldmarshal Asim Mýnirdiń araǵaiyndyǵy arqyly Taiaý Shyǵystaǵy soǵysty tolyq toqtatý jáne bitimge kelý týraly kelisimge qol jetkizilýin quptady.
