QSh prezidenti Donald Tramp Pentagonǵa Ońtústik Koreiamen birlesken áskeri jattyǵýlardy aitarlyqtai qysqartýdy tapsyrdy, dep habarlaidy dalanews.kz.
Ol sheshimin Soltústik Koreia basshysy Kim Chen Ynmen qarym-qatynasymen jáne jattyǵýlardyń qymbatqa túsetindigimen túsindirdi.
Tramptyń málimdemesi AQSh pen Ońtústik Koreianyń jyl saiynǵy Ulchi Freedom Shield áskeri jattyǵýlary bastalardan birneshe saǵat buryn jariialandy. Jattyǵýlar 17-27 tamyz aralyǵynda ótýi tiis. Oǵan shamamen 18 myń ońtústikkoreialyq áskeri qyzmetshi qatysady.
AQSh prezidenti birlesken jattyǵýlar Soltústik Koreiaǵa «dushpandyq signal» beretinin jáne olardy ótkizýge ketetin shyǵynnyń edáýir bóligin Vashington kóteretinin aitty. Tramp sonymen qatar Kim Chen Ynmen qarym-qatynasynyń «óte jaqsy» ekenin atap ótti.
Prezident Ońtústik Koreianyń AQSh-tyń Iranǵa qatysty áreketterine qosylýdan bas tartqanyna da narazylyǵyn bildirdi. Onyń sózinshe, Seýlden Irandy iadrolyq qarýsyzdandyrý jónindegi amerikalyq áreketterge qatysý suralǵan, alaida Ońtústik Koreia bas tartqan.
Soǵan qaramastan, Ońtústik Koreia men AQSh-tyń áskeri jattyǵýlary josparlanǵan merzimde bastaldy. Seýl Vashingtonmen qorǵanys salasyndaǵy úilestirýdi jalǵastyratynyn málimdedi. Sonymen qatar Ońtústik Koreia biligi Tramptyń sheshimi AQSh pen Soltústik Koreia arasyndaǵy dialogty qaita jandandyrýǵa múmkindik beredi degen úmit bildirdi.
Soltústik Koreia AQSh pen Ońtústik Koreianyń birlesken áskeri jattyǵýlaryn dástúrli túrde qaýip retinde qabyldaidy. Phenian buǵan deiin mundai oqý-jattyǵýlardy arandatýshylyq áreket dep baǵalap, óziniń iadrolyq tejeý áleýetin kúsheitetinin málimdegen.
