AQSh prezidenti Donald Tramptyń ákimshiligi álemdegi barlyq amerikalyq elshilikter men konsýldyqtarda immigratsiialyq viza alýǵa ótinish bergen azamattarmen júrgiziletin suhbattardy ýaqytsha toqtatty, dep habarlaidy dalanews.kz.
AQSh Memlekettik departamentiniń málimetinshe, bul sheshim konsýldyq qyzmetkerlerdi arnaiy oqytý baǵdarlamasyna bailanysty qabyldanǵan.
Vedomstvo ókilderiniń aitýynsha, oqytý barysynda qyzmetkerlerge bolashaqta AQSh qoǵamyna qarjylyq júkteme túsirýi múmkin jáne memleketten áleýmettik kómek alýǵa muqtaj bolýy yqtimal adamdardy anyqtaý tásilderi úiretiledi. Mundai qoldaý amerikalyq salyq tóleýshilerdiń qarajaty esebinen kórsetiledi.
Qazirgi ýaqytta oqytý baǵdarlamasynyń qashan aiaqtalatyny jáne elshilikterde vizaǵa suhbatqa jazylý protsesi naqty qai kezde qaita bastalatyny týraly aqparat jariialanǵan joq.
Sarapshylardyń pikirinshe, bul sheshim AQSh-qa kóshýdi josparlap júrgen kóptegen azamattardyń qujat rásimdeý merzimine áser etýi múmkin. Alaida ázirge ýaqytsha shekteýdiń qansha ýaqytqa sozylatyny belgisiz bolyp otyr.
