Braziliiada 26 jastaǵy bloger Pamela Gimarains qarýly shabýyl saldarynan qaza tapty. Qaiǵyly jaǵdai onyń óz úiiniń aldynda bolǵan, dep habarlaidy dalanews.kz.
Aldyn ala derekke sáikes, belgisiz er adam blogerdiń úiine kólikpen kelip, ony syrtqa shaqyrǵan. Pamela qaqpaǵa jaqyndaǵannan keiin qysqa sóilesip, qaita aýlaǵa qarai bet alǵan.
Sol sátte kúdikti oǵan oq atqan. Shabýyl kezinde blogerdiń tórt balasy da úi mańynda bolǵan.
Aýyr jaralanǵan Pamela shuǵyl túrde aýrýhanaǵa jetkizildi. Alaida dárigerler onyń ómirin saqtap qala almady.
Pamela Gimarains áleýmettik jelide kúndelikti turmysy, sán jáne ana bolý taqyrybyndaǵy jazbalarymen tanylǵan. Onyń kenje balasy birneshe ai buryn ǵana dúniege kelgeni habarlandy.
Bloger áleýmettik jelidegi sońǵy videosyn 25 sáýirde jariialaǵan. Onda jaqyn adamǵa árdaiym qoldaý kórsetý týraly jazba qaldyrǵan.
Qazirgi ýaqytta politsiia qylmystyń mán-jaiyn anyqtap jatyr. Kúdiktini izdeý jumystary jalǵasýda.
