Hat avtorlary Kókjyra aýylynyń turǵyndary “Eleke sazyndaǵy” qabirlerdiń qaita kómilýin jáne qazba jumystarynyń dereý toqtatylýyn talap etken edi. Dalanews.kz bul oraida qazba jumysynyń basy-qasynda júrgen belgili ǵalymdardyń pikirin bilip, máseleniń anyq-qanyǵyn anyqtaýǵa tyrysqan edi.
Keiinnen Prezidentke joldaǵan Ashyq hatta jazylǵan derekter jalǵan bolyp shyqty.
Qorymdardy qazyp, arheologiialyq zertteý jumystaryn júrgizý shariǵatqa qaishy áreket emes ekenin imamdar da túsindirip berdi.
– Jalpy ejelgi tarihi oryndarǵa arheologiialyq jumystar burynnan júrgizilip keledi. Onyń ózindik jón-josyǵy, tártibi bolady. Din buǵan qarsy emes. Al endi qabirdi qazyp, máiitti qorlaityn bolsa áńgime bólek, ondaiǵa jol berilmeidi, – deidi QMDB-nyń Semei óńiri boiynsha ókil imamy Asqar Muqanov.
Belgili arheolog Zeinolla Samashevtiń pikirinshe aýyldaǵy keleńsiz áleýmettik qubylystardyń negizgi sebebin arheologiialyq qazba jumystarynan izdeýdi – belgili bir toptyń óz aram oiyn júzege asyrýdyń quraly dep qaraý kerek.
"Qazba jumystary júrgizilgen nysandarda eshqashan adamnyń, maldyń súiekteri shashylmaidy, kerisinshe, taldap, jinalyp alynady. Sebebi, tarihi zertteýlerdegi asa qundy derekkóz bolyp tabylatyn materialdardy arnaiy mamandar – antropologtar, paleogenetikter jáne paleozoologtar zertteidi. Máskeýden kelgen adamdar, osy qatardaǵy mamandar.
Nysandardyń barlyǵy qaitadan jabylady, asa qundy eskertkishter aspan astyndaǵy mýzeilerge ainalady, olardyń jobalary jasalýda, – deidi ǵalym.
Búgin atyshýly hatqa bailanysty Kókjyra aýyly turǵyndary taǵy bir márte ún qatyp, Toqaevqa jazylǵan ashyq hatta emotsiiaǵa berilgendikten, keibir málimetterdiń burmalanǵanyn málimdedi.
"Kurmetti Qasym-Jomart Kemeluly Toqaev!
Shyǵys Qazaqstan oblysy, Tarbaǵatai aýdany Kókjyra aýylynyń "Eleke sazyndaǵy" arheologiialyq jumystardy toqtatý týraly Sizdiń atyńyzǵa jazǵan ashyq hatta emotsiiaǵa berilip, asyǵystyqpen pikir bildirgenimizdi aitqym keledi.
10-tamyzda Kókjyra aýyly turǵyndarynyń talabyna bailanysty jergilikti atqarýshy organ tarapynan jan-jaqty túsindirý júrgizilgennen keiin, ashyq hatta kórsetilgen keibir máselelerdiń negizsiz ekenin jáne Elseke sazyndaǵy arheologiialyq qazba jumystarynyń el tarihy úshin mańyzdylyǵy joǵary ekendigin túsindik.
Sondai-aq, aýyl turǵyndarynyń «Rýhani jańǵyrý» baǵdarlamasyna bailanysty memlekettik saiasatqa eshqandai narazylyǵy joq", – deidi aýyl turǵyndary.
Kókjyralyqtardyń haty áleýmettik jelide jariialandy.
