Qazaqstan Prezidenti Qasym-Jomart Toqaev Ekvadordyń Gýaiakil qalasynda ótken dziýdodan jastar arasyndaǵy álem chempionatynda sátti óner kórsetken Qazaqstan quramasyn quttyqtady, dep habarlaidy dalanews.kz.
Memleket basshysy aralas komandalyq jarysta chempion atanǵan ulttyq quramanyń jetistigin erekshe atap ótti. Sondai-aq jekelei synda altyn medal jeńip alǵan Ǵabit Rasýlhan, Fatima Supyǵalieva jáne Ádiljan Jaýdinovke quttyqtaýyn jetkizdi.
Prezident jas sportshylarǵa aldaǵy ýaqytta da jeńisti jolyn jalǵastyryp, jańa biikterdi baǵyndyrýǵa tilektestik bildirdi.
Qazaqstandyq dziýdoshylar atalǵan álem chempionatynda barlyǵy 10 medal ielendi. Onyń ishinde 3 altyn, 3 kúmis jáne 4 qola júlde bar. Bul nátije otandyq dziýdo tarihyndaǵy úzdik kórsetkishterdiń biri boldy.
Buǵan deiin Qasym-Jomart Toqaev Halyqaralyq dziýdo federatsiiasynyń prezidenti Mariýs Vizermen de sóilesken.
Mariýs Vizer Qazaqstan quramasynyń álem chempionatyndaǵy joǵary nátijesine toqtalyp, Memleket basshysyn qazaqstandyq jas dziýdoshylardyń jetistigimen quttyqtaǵan.
Óz kezeginde Qasym-Jomart Toqaev Halyqaralyq dziýdo federatsiiasynyń Qazaqstannyń Týrizm jáne sport ministrligimen jáne ulttyq federatsiiamen yntymaqtastyǵyna rizashylyǵyn bildirdi.
Prezident bul seriktestik elimizde dziýdo sportynyń damýyna oń yqpal etip otyrǵanyn atap ótti.
