Memleket basshysy Qasym Jomart Toqaev halyqaralyq olimpiadalar men ǵylymi baiqaýlarda joǵary nátije kórsetken qazaqstandyq oqýshylarmen, olardyń ustazdary jáne tálimgerlerimen kezdesti, dep habarlaidy dalanews.kz.
Biyl qazaqstandyq oqýshylar 44 halyqaralyq olimpiada men ǵylymi konkýrsqa qatysyp, myńnan astam medal jeńip aldy. Onyń 200-den astamy altyn medal. Prezident ásirese Halyqaralyq fizika olimpiadasynda Qazaqstannyń barlyq bes oqýshysy da altyn medal ielengenin atap ótti.
Aqordaǵa barlyǵy 21 laýreat shaqyryldy. Olardyń qatarynda fizika, himiia, biologiia, matematika, informatika, geografiia jáne lingvistika boiynsha 6 altyn, 11 kúmis jáne 4 qola medal iegeri bar.
Qasym Jomart Toqaev oqýshylardyń jetistigi eldiń halyqaralyq bedelin arttyratynyn aityp, Qazaqstannyń bolashaǵy bilimdi, talantty jáne eńbekqor jastardyń qolynda ekenin atap ótti. Memleket basshysy jastardy bilim, ǵylym, innovatsiia jáne jasandy intellekt salalaryn damytýǵa belsendi úles qosýǵa shaqyrdy.
Kezdesý barysynda olimpiada jeńimpazdaryn daiyndaǵan pedagogter men tálimgerler de memlekettik nagradalarmen marapattaldy. «Qurmet» ordenine Astana qalasyndaǵy Nazarbaev Ziiatkerlik mektebiniń muǵalimi Meiramgúl Kenjehanova men Almatydaǵy №134 litseidiń muǵalimi Irina Nesterenko ie boldy.
«Eren eńbegi úshin» medali Astanadaǵy Edlight Academy ádiskeri Janbolat Jolgeldievke, Qaraǵandydaǵy Nazarbaev Ziiatkerlik mektebiniń muǵalimi Qarlyǵash Joldybaevaǵa, Almatydaǵy Haileybury Almaty mektebiniń muǵalimi Vladimir Jýkke jáne Óskemendegi «Bilim-innovatsiia» litseiiniń muǵalimi Aigúl Seitdáýletke tabystaldy.
Al «Shapaǵat» medalimen Qyzylordadaǵy «Bilim-innovatsiia» litsei-internatynyń muǵalimi Batyr Jarqyn, Taldyqorǵandaǵy №24 litseidiń muǵalimi Merýert Abaeva, Pavlodardaǵy «Bilim-innovatsiia» litsei-internatynyń muǵalimi Oljas Amzeev jáne Almatydaǵy Respýblikalyq fizika-matematika mektebiniń muǵalimi Baqyt Mamyshev marapattaldy.
Kezdesý sońynda Prezident olimpiada júldegerlerine aqshalai syilyqtarǵa arnalǵan sertifikattardy tabystady. Altyn medal iegerlerine 1500 AEK, kúmis júldegerlerge 1000 AEK, al qola medal iegerlerine 500 AEK mólsherinde syiaqy beriledi.
Toqaev halyqaralyq olimpiadalardaǵy nátijelerdi Qazaqstan jastarynyń joǵary ziiatkerlik áleýetiniń kórsetkishi dep baǵalap, ustazdarǵa daryndy oqýshylardy daiyndaýdaǵy eńbegi úshin alǵys bildirdi.
