Memleket basshysy Túrikmenstan prezidentimen kezdesý ótkizdi, dep habarlaidy dalanews.kz.
Qasym-Jomart Toqaev Túrikmenstanǵa jumys sapary aiasynda Serdar Berdimuhamedovpen kezdesti. Memleket basshysy yqylaspen qarsy alyp, qonaqjailyq tanytqany úshin Túrikmenstan prezidentine alǵys aitty.
Sondai-aq, dostyqqa, tatý kórshilikke jáne ózara qoldaýǵa negizdelgen qazaq-túrikmen qarym-qatynasynyń joǵary deńgeide ekenin atap ótti. Kezdesýde taraptar yqpaldastyqtyń barlyq baǵytynda oń dinamika baiqalatynyna toqtaldy.
Memleketter basshylary buǵan deiin qol jetkizilgen ýaǵdalastyqtardy, sondai-aq, energetika, ónerkásip, aýyl sharýashylyǵy, kólik jáne basqa da salalardaǵy birlesken perspektivti jobalardy júzege asyrý barysyn talqylady.
Budan bólek, mádeni-gýmanitarlyq bailanystardy keńeitýge basa nazar aýdaryldy. Sonymen qatar, aldaǵy birlesken is-sharalar kestesi qarastyryldy.
