Qazaqstanda memlekettik nagradalar qatary taǵy eki jańa marapatpen tolyqpaq. Prezident Qasym-Jomart Toqaev "Shámshi Qaldaiaqov" medalin jáne "Qazaqstannyń eńbek sińirgen sýretshisi" qurmetti ataǵyn engizý týraly sheshim qabyldady, dep habarlaidy dalanews.kz.
Bul týraly Memleket basshysynyń baspasóz hatshysy Aibek Smadiiar habarlady.
Onyń sózinshe, mádeniet pen óner eldiń ulttyq biregeiligin saqtaýda erekshe ról atqarady. Sondyqtan tól mádenietti qoldaý men damytý memlekettik saiasattyń mańyzdy baǵyttarynyń biri bolyp qala beredi.
Aibek Smadiiar Prezidenttiń osyǵan bailanysty memlekettik nagradalar tizimine jańa marapattardy engizý jóninde sheshim qabyldaǵanyn jetkizdi.
"Shámshi Qaldaiaqov" medali men "Qazaqstannyń eńbek sińirgen sýretshisi" ataǵy mýzyka, beineleý óneri jáne jalpy ulttyq mádenietti damytýǵa eleýli úles qosqan azamattarǵa beriledi.
