Prezident Qasym-Jomart Toqaev aqyn, Qazaqstannyń halyq jazýshysy Marfýǵa Aithojanyń 90 jasqa tolýyna orai quttyqtaý jedelhatyn joldady, dep habarlaidy dalanews.kz.
Memleket basshysy aqynnyń qazaq ádebieti men mádenietiniń damýyna qosqan úlesin atap ótip, onyń shyǵarmashylyǵyna joǵary baǵa berdi.
Prezidenttiń sózinshe, Marfýǵa Aithoja ǵumyryn ulttyq poeziianyń órisin keńeitýge arnap, óz týyndylarynda qazaq dalasyn, el tarihyn, halyqtyń birligi men salt-dástúrin keńinen jyrlaǵan.
"Qazaqtyń darhan dalasy men tamyry tereń tarihyn, ultymyzdyń yntymaq-birligi men salt-dástúrin órshil de syrshyl óleńderińizge arqaý ettińiz. Oqyrman qaýym jyrlaryńyzdy súisinip oqidy jáne ózińizdi "Qazaqtyń jyr Aqqýy" dep ardaqtaidy", – delingen jedelhatta.
Qasym-Jomart Toqaev aqynǵa zor densaýlyq tilep, aldaǵy ýaqytta da ónegeli ómirimen óskeleń urpaqqa úlgi bolyp, halyqtyń qurmetine bólene berýine tilektestigin bildirdi.
