"Til maidany" belsendisi Qýat Ahmetovke Reseige 50 jylǵa kirýge tyiym salyndy
"Búgin QR-nyń azamaty Qýat Ahmetov pen Ázirbaijan Respýblikasynyń azamaty Isfandiiar Vagabzade Resei Federatsiiasyna 50 jyl merzimge kirgizilmeýi týraly sheshim qabyldandy. Olar internet jelisinde ultaralyq alaýyzdyqty týdyratyn málimdemeler jasaǵan", - delingen Reseidiń IIM habarlamasynda.
Buǵan deiin Qazaqstan turǵyny, "Til Maydani" YouTube-arnasynyń negizin qalaýshy Qýat Ahmetov óz arnasynda dúkender men qoǵamdyq tamaqtaný obektileri qyzmetkerleriniń memlekettik tilde qyzmet kórsete almaýyna bailanysty týyndaǵan janjaldar beinelengen beinejazbalar toptamasyn jariialaǵan bolatyn. Olar túsirgen beine sipattamasynda avtor "fashister", "migranttar" degen dóreki sózder qoldanady.
Qazaqstan prezidenti ákimshiligi basshysynyń birinshi orynbasary Dáýren Abaev arna avtorlarynyń qyzmetin aiyptap, quqyq qorǵaý organdary oǵan ádil quqyqtyq baǵa beretinine senim bildirdi.
Buǵan deiin áleýmettik jelilerde ózin Ázirbaijannyń Belarýs, Moldova jáne Pákistandaǵy burynǵy elshisi Isfandiiar Vagabzade retinde tanystyrǵan adam Jirinovskii men orys ultyna til tigizip, "shoshqa", "esek" jáne t.b. sózder aitylatyn beinerolik paida boldy.
https://www.youtube.com/watch?v=AVmyEyYzp8g
