Qyzylorda oblysynda TikTok jelisindegi tikelei efir barysynda balaǵat sózder aitqan turǵyn jaýapkershilikke tartyldy, dep habarlaidy dalanews.kz.
Politsiianyń málimetinshe, Syrdariia aýdanynyń 36 jastaǵy turǵyny Qýanysh Oljabaev áleýmettik jelide efir júrgizý kezinde birneshe ret beiádep sózder qoldanǵan. Sol sátte onyń mas kúide bolǵany anyqtalǵan.
Is sotta qaralyp, er adam usaq buzaqylyq jasaǵany úshin kináli dep tanyldy. Sot sheshimimen oǵan 60 saǵat qoǵamdyq jumys jazasy taǵaiyndaldy. Qazirgi ýaqytta ol belgilengen jazasyn ótep júr. Turǵyn kóshelerdi sypyrý, aramshópterdi otaý jáne basqa da qoǵamdyq jumystardy atqarýda.
Aita keteiik, sońǵy ýaqytta quqyq qorǵaý organdary áleýmettik jelilerde zań talaptaryn buzǵan blogerler men qoldanýshylarǵa qatysty baqylaýdy kúsheitken.
