Baýyrjan Ospanov jas býynnyń bilimi men densaýlyǵyna óte úlken mán beredi. «Eki mekteptende suraitynym – balanyń densaýlyǵy, bilim deńgeii, aman-esen ekendigi», – deidi ol. Bul mektepter memlekettik bolyp sanalady, al kásipker bolsa – biýdjetten bólingen qarjy jetpegen tusyn beredi. Bul – kóp jaǵdaida muǵalimder men jattyqtyrýshylarǵa ketetin qarjy.
Baýyrjan Ospanovtyń oiynsha, Qazaqstandaǵy ár aýdanǵa fizika-matematikalyq, sporttyq baǵyttaǵy mektepter qajet, ár óńirdegi eń jaqsy aýyldardan ashý kerek. Mundaǵy jaqsy aýyl dep otyrǵany balalardyń densaýlyǵy úshin tabiǵaty durys, aýasy taza, aǵzaǵa shipa bolatyn eldimekender. Kásipker qoldaý kórsetip otyrǵan mektepterde tek bir óńirden ǵana emes, elimizdiń kóptegen oblystarynan kelgen balalar oqyp jatyr.
– Bizdegi mindet – Olimpiada, Aziia, álem chempionattarynyń júldegerlerin, chempiondaryn daiyndaý, ondai deńgeide daiyndaityn jattyqtyrýshylar sanaýly ǵana bolady. Solardyń arasynan ákelip otyrmyz. Keibiri óz sportynyń fanaty, barlyq jaǵdaidy jasap berdik, balalardy daiyndaimyz, úiretemiz dep kelip otyr. Biri aýyldyń tabiǵatyna, biri jalaqysyna qyzyǵady. Biraq bastysy, bárine birdei jaǵdai jasalǵan. Jattyqtyrýshy bapker retinde tek balamen ainalysý kerek. Kóp jaǵdaida jattyqtyrýshylar daiyndyqtan bólek, jarystyń qarajatyn da izdeidi, vizasyn da jasaidy, bar sharýamen ainalysady. Al myna jerde ondai másele joq, tek qana chempiondar daiyndaý kerek. Jyldyq jospar jasalady, soǵan sai qarjy da bólinedi, bári sheshilgen», – dep jaǵdaidy sipattap berip otyr kásipker.
Sport mektebine fizika, matematika siiaqty jaratylystaný pánderi boiynsha da myqty muǵalimderdi syrttan ákelgen. Qazir mektepterdegi negizgi bes-alty pándi aǵylshyn tilinde oqytatyndai daiyndyq júrip jatyr, ol úshin tipti aýylǵa Afrikadan muǵalim shaqyrǵan da eken.
Taǵy oqyńyz:
