Áleýmettik jelide Tarazdaǵy túzetý balabaqshalarynyń birinde aýtizmi bar balanyń qoly men aiaǵyn bailap qoiǵan video tarady, dep habarlaidy dalanews.kz.
Qumash telegram arnasynyń málimetinshe, balanyń tósekten turýǵa árekettengeni kórinedi. Alaida aiaq-qoly bailaýly bolǵandyqtan, ol qulap, basyn kereýetke soǵyp alǵan. Osydan keiin tárbieshi balany qaita jatqyzǵan.
Balanyń ápkesi mundai jaǵdaidyń buǵan deiin de bolǵanyn aitady. Onyń sózinshe, balany uiyqtatý úshin aiaq-qolyn bailap, kei kezderi uryp-soqqan. Birde bala basynan jaraqat alyp, jedel járdemmen aýrýhanaǵa jetkizilgen.
Balabaqsha ókilderi mekemede ózine zaqym keltirýi múmkin balalar bar ekenin málimdedi. Alaida bul balanyń aiaq-qolyn bailaýǵa ne sebep bolǵanyn naqty túsindirmegen.
Oqiǵa boiynsha kámeletke tolmaǵan balany tárbieleý mindetterin oryndamaý baby negizinde qylmystyq is qozǵaldy. Qazir mán-jai anyqtalyp jatyr.
