Taraz qalasynyń mańynda 15 jastaǵy Miiatbek Erseit qaza tapty. Marqumnyń ata-anasynyń aitýynsha, qaiǵyly oqiǵa bolǵan kúni jasóspirim basqa oqýshylarmen birge fýtbol alańyna barǵan, dep habarlaidy dalanews.kz.
Otbasynyń sózinshe, sol jerde jasy úlken balalar kishi synyp oqýshylaryn kezekpen uryp-soqqan. Ákesiniń aitýynsha, Miiatbek sońynda turǵan jáne telefonyna qarap turǵan kezde keýde tusynan soqqy alǵan. Sodan keiin ol jerge qulap, esinen tanyp qalǵan.
Oqiǵa kýágerleri ony esin jiǵyzýǵa tyrysqanymen, keiin jedel járdem shaqyrǵan. Alaida dárigerler jasóspirimniń ómirin saqtap qala almady. Marqumnyń týystary bul jaǵdaidy álimjettikpen bailanystyryp otyr. Degenmen quqyq qorǵaý organdary ázirge bul nusqany resmi túrde rastaǵan joq.
Atalǵan is boiynsha 16 jastaǵy jasóspirim ustaldy. Ol qaza tapqan oqýshymen bir litseide oqyǵan jáne jaqyn mańda turǵan. Qazirgi ýaqytta kúdikti tergeý izoliatoryna qamalǵan. Oqiǵanyń mán-jaiyn quzyrly organdar anyqtap jatyr.
