Qazaqstan Halyq partiiasy Quryltai sailaýyna qatysatyn 72 kandidattyń resmi tizimin jariialady. Tizimge saiasatkerlermen qatar óner men media salasynyń tanymal ókilderi de engizildi, dep habarlaidy dalanews.kz.
Partiia usynǵan kandidattardyń qatarynda uiym tóraǵasy Nursultan Shoqanov, depýtat Irina Smirnova, ánshi Tamara Asar jáne telejúrgizýshi Asha Matai bar.
Alaida bul joly partiianyń belsendi músheleriniń biri, buǵan deiin úsh shaqyrylym qatarynan depýtat bolǵan Magerram Magerramovtyń kandidattar tizimine enbegeni belgili boldy.
Sondai-aq partiianyń sezi kezinde jýrnalister Asha Mataidan qazirgi tańda talqylanyp jatqan zań jobalarynyń kem degende bireýimen tanysqan-tanyspaǵany týraly suraǵan. Telejúrgizýshi bul saýalǵa naqty jaýap bere almai, az ýaqyt oilanyp turǵannan keiin sahnaǵa shaqyrylyp, suhbatty aiaqtaǵan.
