Taldyqorǵanda 19 jastaǵy boijetken áleýmettik jelige jariialanǵan jarnamalyq rolikten keiin ákimshilik jaýapkershilikke tartyldy, dep habarlaidy dalanews.kz.
Beinejazbada qyzdyń qozǵalystaǵy avtokóliktiń terezesinen denesin shyǵaryp, sýsyn iship, qoqysty jolǵa laqtyrǵany kórinedi. Bul video áleýmettik jelilerde tarap, politsiianyń nazaryna ilingen.
Tekserý nátijesinde boijetken qoǵamdyq oryndy lastaǵany úshin ákimshilik jaýapkershilikke tartyldy.
Sonymen qatar kólik júrgizýshisine de aiyppul salyndy. Ol jolaýshylardy tasymaldaý qaǵidalaryn buzyp, jol tańbasynyń talaptaryn saqtamaǵany úshin jaýapqa tartylǵan.
