Shymkenttik palýan tisimen 17 tonnalyq avtobýsty súirep, álemdik rekord ornatty. Osylaisha alyp kúsh iesi buryn-sońdy bolmaǵan nátije kórsetip, tarihi jetistikke qol jetkizdi, dep habarlaidy dalanews.kz almaty.tv-ǵa siltep.
52 jastaǵy Artyq Dosaliev jolaýshylar kóligin 20 metrge deiin súirep ótti. 17 tonnalyq avtobýsty qolmen emes, tisimen qozǵaý úshin sportshy jarty jyl boiy arnaiy daiyndalǵan.
Apaitós qara kúsh iesi bul triýktiń asa qaýipti ekenin aitady. Sondyqtan jastarǵa muny qaitalaýǵa keńes bermeidi.
"Jastarǵa bul triýkti qaitalaýǵa keńes bermeimin. Óte qaýipti triýk. Tisim bári bútin, ózimdiki bolǵannan keiin stomatologtarmen keńesip, rentgennen ótip, eshqandai ziian kelmeitini jóninde anyqtama alyp, jasadyq.17 tonnadan úlken avtobýs joq dep oilaimyn. Odan bireýler asyp ótip jatsa, taǵy da jasaimyz. Álemde birinshi bolýǵa tyrysamyz", – dedi paýerliftingten álemniń 5 dúrkin chempiony Artyq Dosaliev.
Artyq Dosaliev álemdik tórt rekordty jańartty. Buǵan deiin Resei, Ýkraina jáne Mysyr sportshylary osyndai aýyr kólikterdi súirep, úzdik nátije kórsetken. Alaida shymkenttik palýan olardyń barlyǵynan asyp tústi.
Bul Artyq Dosalievtiń alǵashqy jetistigi emes. Byltyr ol salmaǵy 120 tonna bolatyn 5 vagondy ornynan qozǵap, kópshilikti tańǵaldyrǵan edi.
