Shymkent qalasynda sottalǵan kásipker Toqtar Tóleshovpen bailanysty kompaniiaǵa tiesili turǵyn úi satylymǵa qoiyldy. Nysan elektrondy saýda alańy – e-Qazyna portalynda aýktsion arqyly satylmaq, dep habarlaidy dalanews.kz.
Saýdaǵa shyǵarylǵan úi Shymkenttegi Jeltoqsan kóshesinde ornalasqan. Satýshy retinde burynǵy ýaqytta aktsiialarynyń basym bóligi Toqtar Tóleshovke tiesili bolǵan «Darhan Group» JShS kórsetilgen.
Málimetke sáikes, turǵyn úidiń jalpy aýdany 314,5 sharshy metrdi quraidy. Al jer teliminiń kólemi – 0,0644 gektar nemese 6,44 sotyq. Úi aýmaǵynda bassein de bar.
Aýktsion 27 tamyz kúni baǵany tómendetý tásilimen ótedi. Nysannyń bastapqy baǵasy 240,2 million teńge bolyp belgilengen. Al eń tómengi satý baǵasy 40 million teńgeni quraidy. Bul rette úidiń naryqtyq quny 80 million teńge dep baǵalanǵan.
Eske salaiyq, Toqtar Tóleshov 2016 jyldyń qarasha aiynda memlekettik tóńkeris jasaýǵa árekettendi degen aiyppen 21 jylǵa bas bostandyǵynan aiyrylǵan bolatyn. Sondai-aq sot zańsyz jolmen alynǵan nemese sondai qarajatqa satyp alynǵan múlikti tárkileý týraly sheshim shyǵarǵan.
Jýyrda kásipkerdiń advokaty Qaraǵandy oblysyndaǵy Abai aýdandyq sotyna ótinish túsirip, qylmystyq isti Qylmystyq kodekstiń jeńilirek baptaryna qaita saralaýdy suraǵany belgili boldy.
