Shymkentte Instagram jelisinde shamamen 150 myń oqyrmany bar jergilikti bloger men onyń úsh sybailasy aqsha bopsalady degen kúdikpen ustaldy, dep habarlaidy dalanews.kz.
Tergeý málimetinshe, kúdiktiler kásipkerler men memlekettik qyzmetkerlerdi beinejazbaǵa túsirgen. Buǵan olardyń qyzmettik mindetterin oryndaý barysynda tártiptik quqyqbuzýshylyqtarǵa jol bergeni nemese kásipkerlik qyzmetine qatysty zańbuzýshylyqtar bolýy múmkin degen kúdik sebep bolǵan.
Politsiianyń málimetinshe, bloger túsirilgen beinematerialdardy qysym kórsetý quraly retinde paidalanyp, olardy áleýmettik jelilerde jariialamaý úshin azamattardan aqsha talap etken.
Kúdiktiler ustalyp, qamaýǵa alyndy. Qazirgi ýaqytta qylmystyq is boiynsha tergeý amaldary júrgizilip jatyr.
Buǵan deiin jýrnalist Mihail Kozachkov ustalǵan adamnyń Shymkenttegi jergilikti bloger Asqat Balqybaev (ASKO) ekenin habarlaǵan. Alaida quqyq qorǵaý organdary ázirge kúdiktiniń jeke basyn resmi túrde rastaǵan joq.
