Shymkent munai óńdeý zaýytynda syrtqy elektr jelisindegi kerneýdiń qysqa ýaqytqa tómendeýine bailanysty elektr qýatynda irkilis boldy, dep habarlaidy dalanews.kz.
Zaýyttyń málimetinshe, KEGOC-tyń 220 kV syrtqy elektr jelisindegi kerneý ýaqytsha tómendegen. Elektr qýaty qalpyna keltirilip, mamandar tehnologiialyq qondyrǵylardyń birin qaita iske qosyp jatyr. Qalǵan nysandar shtattyq rejimde jumysyn jalǵastyrýda.
Kásiporyn ókilderi oqiǵa munai ónimderiniń táýliktik óndiris kólemine áser etpegenin jáne otyn jóneltý jumystary shtattyq rejimde jalǵasyp jatqanyn málimdedi.
Zaýytta mundai jaǵdailardyń saldaryn barynsha azaitýǵa avtomatika men apatqa qarsy qorǵaý júieleri múmkindik beretini atap ótildi.
Aita keteiik, buǵan deiin Qazaqstandaǵy taǵy bir iri munai óńdeý kásiporny – Atyraý munai óńdeý zaýytynda órt shyqqan bolatyn.
