Tanymal ánshi Medeý Arynbaev qoǵamda qyzý talqylanǵan Tursynbek Qabatovqa qatysty jaǵdaiǵa óz kózqarasyn bildirdi, dep habarlaidy dalanews.kz.
Óner iesiniń aitýynsha, otbasyǵa qatysty másele ár adamnyń jeke ómiri bolǵanymen, el aldynda júrgen tanymal tulǵalar mundai jaittarǵa asa jaýapkershilikpen qaraýy kerek.
"Estidim bárin, kerek emes edi negizi. Árine, otbasylyq másele – óziniń jeke ómiri. Biraq sen tulǵa bolsań, óner degen eldiń atynan shyǵyp júrsiń be – onyń bárin abailaý kerek. Onyń jaýapkershiligi bolý kerek. Jaýapty qaraý kerek. Belgili tulǵalardyń ómirbaiany birinshi rette talqyǵa túsedi. Óziń aitpaqshy, ol ideologiialyq tárbielik máni bar. Osyndai jaǵdailarǵa abai bolý kerek. Ónerdegi áriptesterime aitarym – mundai máselelerdi shyǵarmaý kerek. Shyǵarsań da, onyń bárin jasyra almaisyń. Tek jariialamaý kerek", – dedi Medeý Arynbaev.
Ánshi kópshilikke tanylǵan adamdardyń ár qadamy qoǵam nazarynda bolatynyn aityp, óner ielerin jeke ómirge qatysty máselelerde abai bolýǵa shaqyrdy.
