Stýdentter olimpiadasynda úzdikter anyqtaldy
Olimpiada "Elektrotehnikalyq jáne elektrondyq úrdister — ekonomikany tsifrlandyrýdyń negizi" degen taqyryp aiasynda boldy. Oǵan elimizdiń jetekshi tehnikalyq joǵary oqý oryndarynan kelgen 45 stýdent qatysty.
Eki kúndik saiys barysynda stýdentter Aqparattyq júieler men radiotehnika, elektronika jáne telekommýnikatsiia boiynsha joǵary teoriialyq bilim men praktikalyq daǵdylaryn kórsetti.
"Júzden júirik, myńnan tulpar" demekshi, atalǵan olimpiadada shyn daryndar oza shaýyp, báige aldy.
Birinshi oryndy Qanysh Sátbaev atyndaǵy ýniversitettiń stýdentteri ielense, ekinshi oryn Almaty energetika jáne bailanys ýniversitetiniń stýdentterine buiyrdy.
Al, IIM M. Esbolatov atyndaǵy Almaty akademiiasynyń kýrsanttary 3 oryn aldy.
Bizdiń elimizde tsifrlandyrý jáne aqparattyq tehnologiialardy damytý qyzý júrip jatqan kezeńde politsiia oqý oryndarynyń da aqparattyq tehnologiia, radiotehnika, elektronika jáne telekommýnikatsiia mamandaryn daiyndap jatqany kóńilge kýanysh uialatady.
