Shyǵys Qazaqstan oblysy Politsiia departamentiniń uiymdasqan qylmysqa qarsy kúres basqarmasynyń qyzmetkerleri aqsha bopsalaý dereginiń jolyn kesti, dep habarlaidy dalanews.kz.
Tergeý málimeti boiynsha biyl qańtarda kúdikti jábirlenýshiniń senimine kirip, odan ai saiyn 150 myń teńge talap ete bastaǵan. Ol qorqytyp, psihologiialyq qysym kórsetý arqyly óz talaptaryn oryndatqan.
Er adam ómiri men densaýlyǵyna qaýip tóngendikten, qaskóige 100 myń teńge bergen. Alaida zańsyz áreketter toqtamai, ýaqyt ótken soń kúdikti qaita aqsha talap etken.
"Jedel izdestirý is-sharalary nátijesinde kúdikti ustaldy. Ol oblys ortalyǵynyń 23 jastaǵy turǵyny bolyp shyqty. Bul derekke qatysty sotqa deiingi tergeý júrgizilip jatyr", - dep jazylǵan habarlamada.
