Soltústik Qazaqstan oblysynda jol jóndeýmen ainalysatyn merdiger uiymnyń tehnikalyq qadaǵalaý jónindegi bas injeneri para alyp jatqan jerinen ustaldy, dep habarlaidy dalanews.kz QAZAQSTAN telearnasyna siltep.
Kúdikti istelgen jumystyń aralyq aktisine qol qoiý úshin kelisim-sharttaǵy somanyń 1 paiyzyn tóleýdi talap etken. Respýblikalyq mańyzy bar Voloshinka, Sergeevka, Timiriazevo baǵytyndaǵy tasjoldy ortasha jóndeý úshin 151 mln bólingen bolatyn.
Bul derek boiynshy qylmystyq is qozǵaldy.
"Tehnikalyq qadaǵalaý júrgizetin maman nysanda aqsha surap jatqany týraly aqparat tústi. SQO boiynsha UQKD tehnikalyq qadaǵalaýshy mamandy para alý kezinde ustady", - dedi "QazAvtoJol" UK" AQ qurylymdyq bólimshesiniń basshysy Azamat Kamalidenov.
