Turǵyn úı qurylysy máselesi aımaq basshysy Danıal Ahmetovtyń tóraǵalyǵymen ótken Shyǵys Qazaqstan oblysy ákimdiginiń otyrysynda qaraldy.
2015 jyly qarjylandyrýdyń barlyq kózderi arqyly 81 kópqabatty turǵyn úıdiń qurylysy júrgizilgen. Olardyń 38-i Óskemen, Semeı, Rıdder qalalary men Ulan, Glýbokoe, Borodýlıha aýdandarynda paıdalanýǵa berildi.
2016 jyly aýyspaly nysandarmen qatar jalpy aýdany 538,8 myń sharshy metrdi quraıtyn nemese 6 543 páterli 52 turǵyn úı salynatyn bolady.
Salynatyn úılerdiń basym kópshiligi nesıelik jáne jaldamaly úıler. Oblys ákiminiń tapsyrmasy boıynsha ortaq qarjylandyrý qaǵıdaty boıynsha jeke qurylysshylardy jumyldyra otyryp «Ertis» ÁKK arqyly 11 turǵyn úıdiń qurylysy júrgizilmek.
– Turǵyn úılerdi tikeleı búdjet qarjysyna salýdy toqtatý kerek. Jaqyn jyldary bul salaǵa qarjylyq aǵylymnyń azaıatynyn eskergen jón. Mıllıardtaǵan qarajatqa bolashaqtyń ınfraqurylymyn salǵansha, qazirgi ýaqyttyń jobalaryn iske asyraıyq. Óskemen jáne Semeı qalalarynda ınfraqurylymdary daıyn aýdandarda úıler salý kerek, - dedi Danıal Ahmetov.
Aıta ketý kerek, 2017 jyly jalpy aýdany 272 myń sharshy metrdi quraıtyn 31 kóppáterli turǵyn úıdiń qurylysy josparlanýda.
