– Fýtbolda jeńis pen jeńilis qatar júredi. Bizdiń komandamyz elimizdegi UEFA-nyń halyqaralyq talaptarǵa saı boı túzegen stadıonda óner kórsetedi. Fýtbol bul – komandalyq oıyn. Sondyqtan da, meniń aıtarym «Turan» fýtbol komandasynyń Qazaqstan chempıonatynda Premer lıga komandalary arasynda jaqsy jetistikterge jetýi úshin barlyq jaǵdaı jasaıtyn bolamyz. Rasynda da, bizdiń jigitterdiń jeńiske degen kúsh-jigerleri jetedi, – dedi Ó.Estaıuly.
Basqosý barysynda «Turan» fýtbol komandasynyń quramy óte talantty jergilikti fýtbolshylarmen, jasaqtalǵandyǵyn, olardy bilikti bapkerler jattyqtyratyndyǵyna da toqtala ótti. Jıynǵa arnaıy qatysqan
QR Sybaılas jemqorlyqqa qarsy is-qımyl agenttiginiń Túrkistan oblysy boıynsha Departamentiniń basshysy, Túrkistan oblystyq fýtbol federasıasynyń prezıdenti Hákim Kóshqalıev te oıynshylarymyzǵa mol senim bildirip, keleshekte óńirimizde fýtbol álemdik rangide jandana túsetindigin aıtty.
Sonymen qatar, Túrkistan oblysynyń dene shynyqtyrý jáne sport basqarmasynyń basshysy Qanat Joldyqaraev oblys basshysyna bıylǵy chempıonatta barynsha joǵarǵy oryndardan kóriný úshin jumys jasaıtyndaryn jetkizdi.
Esterińizge salamyz chempıonattyń 9 týrynda «Turan» komandasy syrt alańda Shymkenttiń «Ordabasy» fýtbolshylarymen kezdesedi.
Mach 3-shi mamyr kúni, saǵat 18:00 bastalady. Kezdesý Shymkenttegi BIİK fýtbol ortalyǵyndaǵy «Namys» stadıonynda ótedi.
