Tyvadaǵy izdeý operatsiiasy qaiǵyly jaǵdaimen aiaqtaldy. Enisei ózeniniń jaǵasynan jergilikti turǵyndar balanyń denesin tapqan, dep habarlaidy dalanews.kz.
Óńirlik tergeý basqarmasy marqumnyń 1 shildede iz-túzsiz joǵalyp ketken eki qyzdyń biri bolýy múmkin ekenin rastady. Qaiǵyly oqiǵa Qyzyl aýdanyna qarasty Sýkpak aýyly mańynda tirkelgen.
Habar túskennen keiin oqiǵa ornyna jedel-tergeý toby dereý attandy. Quqyq qorǵaý organdary aýmaqty qorshaýǵa alyp, jerdi muqiiat tekserýge kirisken.
Mamandar kámeletke tolmaǵan balanyń naqty kim ekenin anyqtaýy tiis. Vedomstvonyń málimetinshe, "tergeýshi máiitti taný boiynsha qajetti tergeý áreketterin júrgizedi".
Kriminalister aldaǵy ýaqytta oqiǵanyń barlyq mán-jaiyn anyqtaýmen ainalysady. Ekinshi balanyń taǵdyry týraly ázirge eshqandai aqparat túsken joq.
