2008 jylǵy Beijiń Olimpiadasynda qazaqstandyq boksshy Serik Sápievti jeńgen Tailand sportshysy Manýs Býnchamnong alaiaqtyq isi boiynsha 2 jyl 9 aiǵa bas bostandyǵynan aiyryldy, dep habarlaidy dalanews.kz.
Qazir Olimpiadanyń eki dúrkin júldegeri Bangkoktaǵy túrmede jazasyn ótep jatyr.
Sot materialdaryna sáikes, Býnchamnong 2021 jyly memlekettik lotereia biletterine arnalǵan kvotalarǵa bailanysty alaiaqtyq jasaǵany úshin kináli dep tanylǵan. Tergeý barysynda jábirlenýshilerge shamamen 2 million bat kóleminde shyǵyn kelgeni anyqtalǵan.
Manýs Býnchamnong qazaqstandyq boks jankúierlerine Serik Sápievpen ótkizgen jekpe-jekteri arqyly jaqsy tanys.
2006 jylǵy Aziia oiyndarynyń jartylai finalynda ol Sápievten basym túsken. Al 2008 jylǵy Beijiń Olimpiadasynyń shirek finalynda qazaqstandyq boksshyny 7:5 esebimen jeńip, jarysty jalǵastyrǵan.
Keiin Býnchamnong Beijiń Olimpiadasynyń kúmis júldegeri atandy.
Sot úkimi shyqqannan keiin tai boksshysy kepildik sharttaryn buzyp, quqyq qorǵaý organdarynan jasyrynǵan. Keiin politsiia ony ustap, túrmege qamaǵan.
