Uzaq ýaqyt shyǵarmashylyq úzilisten keiin sahnaǵa qaita oralǵan ánshi Sandýǵash Stamǵazieva jeke ómirine qatysty aitylyp júrgen áńgimelerge jaýap berdi. Óner iesi ótken ómirine ókinbeitinin jáne balalarynyń ákesiniń birinshi áieline eshqandai ókpe-renishi joq ekenin jetkizdi, dep habarlaidy dalanews.kz.
Ánshiniń aitýynsha, ol Altynbektiń birinshi áielimen jaqyn aralaspaǵanymen, oǵan qurmetpen qaraidy.
"Ómirime esh ókinishim joq. Altynbektiń birinshi áieline kózqarasym óte jaqsy. Qaita ol kisige rahmet aitamyn. Ol kisimen kezdesip, bir dastarqan basynda otyrmasam da, men tilekshimin. Júzdesken joqpyn. Bir-birimizdi kóp kórgen joqpyz. Men qashan bolmasyn, adamǵa jamandyq oilaǵan emespin.
Ol kisiniń danalyǵy, tárbiesi, Altekeńe degen syilastyǵy, qurmeti shyǵar. Bir-birimizge alakózdik joq. Al halyq artyq ketse, ol taqyrypty jaýyp qoiamyn. Qaisysynyń aýyzyna qaqpaq bolamyn?", – dedi Sandýǵash Stamǵazieva.
Óner iesi ózin "bireýdiń otbasyn buzdy" dep synaityndarǵa da jaýap berdi. Onyń sózinshe, eshkimdi otbasynan ajyratyp almaǵan jáne qazir árkim óz ómirimen ómir súrip jatyr.
"Balalarymnyń ákesiniń atyna kóp dúnie aitylady. "Otbasynyń ortasyna tústi" dep maǵan da jazady. Ol peshenemizge jazylǵan. Eń bastysy, men eshkimdi ajyratyp alǵan joqpyn. Árkim óz otbasymen ómir súrip jatyr. Eger men otbasy buzǵysh bolsam, ol kisiniń ómiri múlde basqa bolatyn edi. Ondai dúnie bolǵan joq. Balalaryna kózqarasy da jaqsy.
Altynbek amandyǵymdy balalar arqyly bilip otyrady. Qyzdar ákesiniń mahabbatyn, tálim tárbiesin alyp jatyr. Men eshteńege qarsy bolmaimyn. Jaqsy bolsyn, jaman bolsyn – ákesi. Ekeýi de ákesin jaqsy kóredi. Qazirgi tańda balalarǵa kómektesip, aqyldasyp, ózara aralasyp turady. Men ákesine qarai iteremin. Qyzym suransa da, "Ákeńmen sóiles, aqyldas" dep otyramyn", – dedi Sandýǵash Stamǵazieva.
