Túrkistan oblysy Saryaǵash aýdanynyń prokýratýrasy aýdandyq bilim bóliminde jáne oǵan qarasty bilim berý uiymdarynda Qazaqstan Respýblikasy Eńbek jáne Biýdjet kodeksteri talaptary saqtalýyna taldaý júrgizdi, dep habarlaidy dalanews.kz.
Taldaý nátijesinde bilim berý salasynyń birqatar qyzmetkeri jumys ýaqytynda jáne sabaq ótetin kezde shetelge shyǵyp ketkeni anyqtalǵan.
Alaida olardyń jumys ornynda bolmaǵan ýaqyttaryna qaramastan jalaqy tolyq kólemde eseptelip, tólengen.
"Aýdandyq bilim bóliminiń qyzmetkerleri, sondai aq, mektep muǵalimderi men jumysshylary sabaq pen jumys ýaqytynda shetelge shyqqany tirkelgen. Taldaý qorytyndysy boiynsha bilim bólimi qyzmetkerlerine qatysty 389 myń teńgeden asa, al bilim berý uiymdary boiynsha jalpy 15 mln teńgeden asa biýdjet qarajaty negizsiz jumsalǵany anyqtaldy.
Prokýrorlyq qadaǵalaý aktisi negizinde jumys ýaqytynda shetelge shyqqan qyzmetkerlermen qatar, osy zańbuzýshylyqtarǵa jol bergen basshylar Qazaqstan Respýblikasynyń "Memlekettik qyzmet týraly" zańynyń 50-baby talaptaryn buzǵany úshin tártiptik jaýapkershilikke tartyldy. Qabyldanǵan sharalar nátijesinde memleket kirisine 15 million teńgeden asa qarajat óndirilip, 680 tulǵa jaýapkershilikke tartyldy", - dep jazylǵan habarlamada.
