Tanymal ánshi Roza Rymbaeva Qazaqstannyń tuńǵysh prezidenti Nursultan Nazarbaevpen bolǵan kezdesýi týraly esteligin bólisti, dep habarlaidy dalanews.kz.
Óner iesiniń aitýynsha, shamamen 25 jyl buryn sahnada júrgenine shirek ǵasyr tolǵan tusta ol Nursultan Nazarbaevtyń qabyldaýynda bolǵan.
"Bir jyldary meni Nursultan Nazarbaev meni qabyldady. Ol kezde sahnada júrgenime 25 jyl tolǵan edi. Men sol kezde shaqyrtýmen bardym. Men sol kezde: "Aǵa, men sizdi kontsertime shaqyramyn. Kelip arnaiy qonaq bolyńyz", – dedim. Joldasym Tasqynnyń qazasynan keiin qatty eseńgirep qalǵam. Ol meni qoldaý úshin kontsertime keldi. Sol kezderi Nursultan Nazarbaev: "Roza, ne kerek? Qandai kómek qajet?" – dep surady. Al men bolsam "úiim kishkentai, aiadai úide turamyn, jaǵdaiymyz máz emes" dep aitýǵa arlandym. Onyń ornyna "aǵa, mende birdi-ekili máselem bolsa, ákimdikke aitarmyn" dep jaýap berdim. Men eshteńe suramadym. Ol maǵan alǵysyn aitty, raýshan gúlderin syilady", – dedi Roza Rymbaeva.
Ánshiniń sózinshe, sol kezeńde ol joldasy Tasqyn Oqapovtyń qazasynan keiin aýyr kúizelisti bastan ótkergen. Nazarbaevtyń kontsertke kelýin óner iesi ózine kórsetilgen qoldaý retinde qabyldaǵan.
