RI CON EXPORT baǵdarlamasyn júzege asyrý aiasynda 2017 jyldyń 7 jeltoqsan kúni «Ońtústik»aimaqtyq investitsiialyq ortalyǵy jáne «Zoodel» halyqaralyq onlain-saýda alańy arasynda ózara yntymaq tastyqtýraly memorandýmǵa qol qoiyldy.
Yntymaqtastyqtyń basty maqsaty – «Ońtústik» AIO qoldaǵan taýar óndirýshilerdiń ónimderin bólshektik eksporttaýdy ZoodMall Kazakhstan mobildi qosymshasy arqyly damytý.
Bul platforma úzdik halyqaralyq onlain-saittarda 300 millionǵa jýyq áleýetti satyp alýshylarmen bólshek satýdy júzege asyrady. Sondai-aq, «Qazpochta» AQ-men yntymaqtastyq ornatý álemniń jáne Qazaqstannyń kez-kelgen óńirine ónimderdi jetkizý múmkindigin beredi.
Memorandýmnyń sharttaryn iske asyrý úshin «Zoodel» B2B saitynda alǵashqy 50 kásipkerlerdiń ónimderin ornalastyrý, kásiporyndardyń 5 tildegi mamandandyrylǵan paraqshalaryn jasaý, shet elderdiń tenderlik aqparattaryna qoljetimdilikti uiymdastyrý, ónimderdi tekserý jáne satyp alýshylardyń sáikestigin rastaý boiynsha qyzmetter, qaýipsiz tólemder, jetkizý qyzmetteri jáne t.b. josparlanýda.
Aita ketý kerek, «RIC ON EXPORT» aýyl sharýashylyǵy taýaryn óndirýshilerdiń eksporttyq áleýetin damytý baǵdarlamasynyń aiasynda «OŃTÚSTIK» aimaqtyq investitsiialyq ortalyǵy tarapynan Jibek jolynyń maqsatty naryqtarynda ónimderdi tiimdi ilgeriletý, sondai-aq, Zoodel-men birge eksporttaýshy buryshyn ashý maqsatynda naryqty zertteý máseleleri men baǵa belgileý salasyna qosymsha qoldaý kórsetý josparlanýda.
Esterińizge sala keteiik, Reseidiń Novosibir qalasynda ótken «Fýdsib» jemister men kókónister kóterme jáne bólshek saýda kesheniniń ashylý rásimi barysynda Ońtústik Qazaqstan oblysy ákimdigi men Novosibir qalasyndaǵy «Fýdsib» saýda kesheni arasynda yntymaqtastyq týraly memorandýmǵa qol qoiyldy. Búginde kompaniiada Resei Federatsiiasyna ónimderdi eksporttaýdy uiymdastyrýda aýyl sharýashylyǵy taýaryn óndirýshilerge qoldaý kórsetý jáne keshendi qyzmet kórsetý úshin arnaiy jumys toby qurylǵan.
