Astanada bloger Aıda Jeksenovany Tımatıdiń konsertine boıkot týraly jazbasyna baılanysty ekstremızmge qarsy bólimge shaqyrdy, dep habarlaıdy Dalanews.kz.

Munyń sebebi – Qazaqstandaǵy reseılik konsertterdi uıymdastyrýshy Alekseı Pýchkovtyń aryzy. Aıda Jeksenovanyń aıtýynsha, ol blogerdiń jazbasyn QK-niń 174-baby – «alaýyzdyq qozdyrý» quramyna jatady dep eseptegen. Alaıda blogerdiń sózinshe, onyń jazbasynda ultqa til tıgizý de, agresıa da, óshpendilikke shaqyrý da bolmaǵan.

«Áńgime tek Z-artıstiń konsertine bılet almaýǵa shaqyrý týraly edi. Bul – qalypty saıası boıkot jáne Qazaqstan Konstıtýsıasyna qaıshy kelmeıdi.

Polısıa bóliminde Aıdaǵa Katá Bıvol men Alıka Muhamadıeva isterin mysal retinde keltirgen. Biraq bul jaǵdaılardy salystyrýǵa kelmeıdi: atalǵan eki istegi málimdemelerde tikeleı etnıkalyq astar bolǵan, al Jeksenovanyń pozısıasy saıası sıpatqa ıe jáne 174-bapqa sáıkes kelmeıdi», – dep jazylǵan onyń Telegram-arnasynda.