Resei men Ýkraina qaza tapqan sarbazdardyń denelerin almastyrdy, dep habarlaidy Dalanews.kz.
Resei prezidentiniń kómekshisi Vladimir Medinskiidiń aitýynsha, Máskeý Ýkrainaǵa qaza tapqan 1000 ýkrainalyq áskeri qyzmetkerdiń máiitin tapsyrǵan.
Al Ýkraina tarapy óz kezeginde Reseige 35 reseilik áskeri qyzmetkerdiń denesin qaitarǵan.
Qazirgi sátte Ýkraina biligi bul almasýǵa qatysty resmi málimdeme jasaǵan joq.
Aita keteiik, eýropalyq barlaý qyzmetteri 2026 jyly Resei men Ýkraina arasynda beibit kelisim bolady degenge senbeidi. Bul týraly joǵary laýazymdy barlaýshylarǵa silteme jasaǵan Reuters jazdy.
Reuters-pen sóilesken bes derekkózdiń barlyǵy Resei soǵysty tez aiaqtaýǵa múddeli emes dep esepteidi. Olardyń tórteýiniń aitýynsha, Máskeý AQSh-pen kelissózderdi sanktsiialardy alyp tastaý jáne iskerlik kelisimder jasaý úshin paidalanýǵa tyrysyp otyr. Jenevada ótken kelissózderdi derekkózderdiń biri «qoiylymǵa uqsas spektakl» dep ataǵan.
