Reseidiń altyn qory sońǵy alty jyldaǵy eń tómen kórsetkishke deiin azaidy, dep habarlaidy dalanews.kz.
Resei Ortalyq bankiniń málimetinshe, 1 tamyzdaǵy jaǵdai boiynsha eldiń altyn rezervi 73,2 million ýntsiiany quraǵan. Bul – 2020 jyldyń qańtarynan bergi eń tómen deńgei. Jyl basynan beri Reseidiń altyn qory 1,6 million ýntsiiaǵa qysqarǵan. Sonymen qatar rezervterdiń aqshalai quny 33,7 mlrd dollarǵa tómendegen.
Sarapshylardyń aitýynsha, qordyń azaiýyna altyn men shetel valiýtasyn satý áser etken. Mundai operatsiialar memlekettik biýdjetti qoldaý jáne qarjy naryǵyndaǵy turaqtylyqty saqtaý maqsatynda júrgizilgen. Resei biligi bul tetikter rýbl baǵamyna jáne qarjy júiesine túsetin qysymdy azaitýǵa baǵyttalǵanyn atap otyr.
Bloomberg dereginshe, altyn qorynyń qysqarýy Reseidiń halyqaralyq rezervter qurylymyndaǵy ózgeristermen jáne biýdjet shyǵyndaryn qarjylandyrý qajettiligimen bailanysty.
