Áleýmettik jelilerde búgin Reseidegi Qazaqstan elshiligine soǵys qimyldary júrip jatqan aimaqtan 14 Qazaqstan azamaty jetkiziledi degen aqparat tarady, dep habarlaidy dalanews.kz.
Alaida Qazaqstannyń Syrtqy ister ministrligi bul málimettiń shyndyqqa sáikes kelmeitinin málimdedi.
Vedomstvo ókilderiniń aitýynsha, atalǵan másele qoǵam úshin, ásirese jaqyndarynan habar kútip otyrǵan azamattardyń týystary úshin óte mańyzdy. Sondyqtan tekserilmegen aqparatty taratýǵa jol berýge bolmaidy.
«Bul máseleniń qoǵam úshin jáne azamattarymyzdyń týystary úshin qanshalyqty mańyzdy ekenin túsinemiz. Sol sebepti rastalmaǵan málimetterdi taratýǵa bolmaidy. Mundai aqparat jaqyndarynan habar kútip otyrǵan otbasylardy jańylystyryp, jalǵan úmit týdyrady ári azamattardy qorǵaý baǵytyndaǵy ministrliktiń jumysyna kedergi keltirýi múmkin», – dep habarlady QR SIM.
Ministrlik qazirgi ýaqytta Resei tarapymen túrli deńgeide jumys jalǵasyp jatqanyn atap ótti. Bul másele turaqty baqylaýda ekeni de aityldy. Syrtqy ister ministrligi azamattar men BAQ ókilderin tek resmi aqparat kózderine ǵana senýge shaqyrdy.
