Reseidiń birqatar óńirinde janarmai satýǵa qoiylǵan shekteýler kúsheiip jatyr. Keibir janarmai quiý beketterinde bir kólikke quiylatyn benzin men dizel otynynyń kólemine limit engizildi, dep habarlaidy dalanews.kz.
Máselen reseilik "Biznes onlain" portalynyń málimetinshe, “Gazpromneft” jelisiniń qala ishindegi janarmai quiý beketterinde bir tutynýshyǵa bir rette 30 litrden artyq benzinnemese 60 litrden artyq dizel otynyn satýǵa bolmaidy. Sondai-aq janarmaidy kanistrge quiýǵa tyiym salynǵan.
Al tasjol boiyndaǵy beketterde benzinge qoiylǵan shekteý ózgermegen. Bir kólikke 30 litrge deiin ǵana quiýǵa bolady. Dizel otynyn munda 200 litrge deiin satyp alýǵa ruqsat etilgen.
Máskeýdegi “Lýkoil” kompaniiasynyń úsh janarmai quiý beketinde de osyndai shekteýler engizilgen. Bir bekette bir klientke 30 litrge deiin, qalǵan ekeýinde 20 litrge deiin janarmai beriledi. Bul jelide de kanistrge janarmai quiýǵa tyiym salynǵan.
Al Teboil jelisindegi beketterde shekteý ártúrli. Keibirinde bir kólikke 30 litrge deiin, endi birinde 20 litrge deiin benzin quiylady. Dizel otyny bolsa, qorda bolǵan jaǵdaida 60 litrge deiin satylady.
Osyǵan deiin Resei prezidenti Vladimir Pýtin ishki naryqty janarmaimen qamtamasyz etý máselesine arnalǵan keńeste iri munai óńdeý zaýyttarynyń tolyq qýatynda jumys istep jatqanyn, orta jáne shaǵyn kásiporyndardyń múmkindigi de paidalanylyp jatqanyn aitqan. Sonymen qatar josparly jóndeý jumystary keiinge shegerilip, aǵymdaǵy jóndeý merzimi qysqartylǵan. Soǵan qaramastan, júrgizýshiler men biznes ókilderi úshin janarmai tapshylyǵy máselesi áli de ózekti bolyp otyr.
Qazir Reseidiń 30-dan astam óńirinde janarmai satýǵa túrli shekteý engizilgen. Buǵan mamyr aiynyń sońynan beri baiqalǵan jetkizý tizbegindegi irkilister sebep bolǵan. 26 maýsymnan bastap "Rosneft" Voronej, Tambov jáne Lipetsk oblystarynda bir kólikke 30 litrden artyq janarmai satpaý tártibin engizdi.
