Qyzylordada lift ishinde prank jasaǵan adam jaýapqa tartyldy, dep habarlaidy dalanews.kz.
Politsiia qyzmetkerleri áleýmettik jelilerge monitoring júrgizý barysynda lift ishinde bolǵan janjal beinelengen videony anyqtaǵan.
Beinejazbadan azamat tanysymen birge lift ishinde sózge kelip, arty tóbeleske ulasqanyn baiqaýǵa bolady. Olardyń bul áreketi liftte bolǵan basqa adamdardyń qaýipsizdigine qater tóndirgen. Alaida beinejazbanyń sońynda janjalǵa qatysýshylar bul áreket prank ekenin aitqan.
"Bul derek boiynsha politsiia qyzmetkerleri Qyzylorda qalasynyń 20 jastaǵy turǵynyn anyqtap, politsiia bólimine jetkizdi. Sot sheshimimen azamatqa aiyppul túrindegi jaza taǵaiyndaldy", - dedi Qyzylorda oblysy PD ókili.
