Astanada úsh turǵyn sottaldy, dep habarlaidy dalanews.kz.
Astana qalasy prokýratýrasy málimetinshe, úsh er adam Telegram-da qyzdardyń jalǵan paraqshalaryn paidalanyp, er adamdardy kezdesýge aldap shaqyryp, keiin olardy qaladan tys jerge kúshtep alyp ketip, uryp-soǵyp, masqaralaityn videolardy taratamyz dep qorqytqan.
Olar bopsalaý arqyly úsh jábirlenýshiden 2,2 million teńge alǵan. Birin nesie rásimdeýge májbúrlegen, al ekinshisiniń kóligin iemdengen.
Sotta memlekettik aiyptaýshy olardyń kinásin tolyq dáleldegen. Sot úkimimen úsh adam adam urlaý jáne bopsalaý qylmystary úshin 7 jyldan 8 jylǵa deiingi merzimge bas bostandyǵynan aiyryldy.
Sot úkimi zańdy kúshine endi.
