Sheteldegi barlyq daýys berý ýchaskesi Qazaqstannyń diplomatiialyq ókildikteri aýmaǵynda uiymdastyryldy, dep habarlaidy dalanews.kz.
Daýys berýdi alǵashqylardyń biri bolyp Koreia men Japoniiadaǵy qazaqstandyqtar bastady. Seýldegi №422 jáne Tokiodaǵy №425 sailaý ýchaskeleri jergilikti ýaqyt boiynsha saǵat 07:00-de ashylǵan.
Seýldegi sailaý ýchaskesinde alǵashqylardyń biri bolyp Koreia ýniversitetiniń stýdenti Ajar Kárimjanova daýys berdi. Ol úsh jyldan beri Koreiada turatynyn jáne qazir Koreia ýniversitetinde bilim alyp jatqanyn aitty.
"Qazaqstan azamaty retinde elimizdiń bolashaǵyna qatysty mańyzdy qoǵamdyq-saiasi úderisterden tys qalmaýǵa jáne óz úlesimdi qosýǵa tyrysamyn", - dedi Ajar Kárimjanova.
Tokiodaǵy sailaý ýchaskesinde alǵashqylardyń biri bolyp otandasymyz Álisher Ázimbaev óz tańdaýyn jasady. Ol qazaq qoǵamyndaǵy ádilet, zań jáne danalyqtyń simvoly sanalatyn Bi beinesinde kelgen.
Tsýkýba ýniversitetinde "Memlekettik saiasat" mamandyǵynda bilim alyp júrgen Álisher Ázimbaev bul arqyly qazaq halqynyń tarihi dástúrlerin Qazaqstan jastarynyń zamanaýi umtylystarymen ushtastyrǵan.
Onyń aitýynsha, tarihi turǵyda Quryltai Ulttyq jinalys qyzmetin atqaryp, el taǵdyryn aiqyndaityn mańyzdy sheshimder qabyldaǵan.
"Meniń oiymsha, jańadan qurylǵan Quryltai bul dástúrdi halyqpen ózara is-qimyl arqyly memlekettik mańyzy bar máselelerdi sheshýge arnalǵan zamanaýi saiasi institýt retinde jalǵastyrady", - dedi ol.
