Quryltai depýtattaryn sailaý ótken kúni Qazaqstanda 657 sábi ómirge keldi. Bul týraly Densaýlyq saqtaý ministrligi málimdedi, dep habarlaidy dalanews.kz.
Vedomstvo málimetinshe, 23 tamyzda elimizdiń meditsinalyq uiymdarynda 318 ul jáne 339 qyz bala dúniege kelgen.
Jańa týǵan nárestelerdiń eń kóp sany Almaty qalasynda tirkelgen. Megapoliste bir táýlikte 60 sábi ómirge kelgen. Odan keiin Túrkistan oblysy – 54 jáne Shymkent qalasy – 51 nárestemen kósh bastap tur.
Sondai-aq elimiz boiynsha sol kúni bir egiz dúniege kelgeni belgili boldy.
Densaýlyq saqtaý ministrligi akýsherlik jáne bosandyrý uiymdarynyń mamandary táýlik boiy, onyń ishinde demalys jáne mereke kúnderi de júkti áielder men jańa týǵan nárestelerge qajetti meditsinalyq kómekti úzdiksiz kórsetetinin atap ótti.
Vedomstvonyń málimetinshe, meditsina qyzmetkerleri ana men bala densaýlyǵyn qorǵaý baǵytyndaǵy jumystardy turaqty túrde jalǵastyryp keledi.
