Ortalyq sailaý komissiiasy 2026 jylǵy Quryltai depýtattaryn sailaý naýqanynyń negizgi kezeńderin jariialady, dep habarlaidy dalanews.kz.
Sailaý kúntizbesine sáikes, 1 shildede sailaý taǵaiyndaldy. 2–13 shilde aralyǵynda (saǵat 18:00-ge deiin) partiialyq tizimderdi usyný kezeńi ótedi. Al 23 shilde saǵat 18:00-ge deiin partiialyq tizimderdi tirkeý aiaqtalady.
Sonymen qatar 11 shildege deiin aýmaqtyq sailaý komissiialarynyń quramy men olardyń ornalasqan jeri jariialanýy tiis. 16 shildege deiin ýchaskelik sailaý komissiialarynyń quramy, sailaý ýchaskeleriniń shekarasy jáne olardyń mekenjailary týraly aqparat kópshilikke usynylady.
23 shilde saǵat 18:01-den 22 tamyz saǵat 00:00-ge deiin sailaýaldy úgit-nasihat jumystary júrgiziledi. 2 tamyzda sailaýshylar tizimi ózektendirilip, ýchaskelik sailaý komissiialaryna beriledi. Al 7 tamyzdan bastap azamattar ózderiniń sailaýshylar tizimine engizilgen-engizilmegenin teksere alady.
22 tamyz – únsizdik kúni. Bul kúni kez kelgen sailaýaldy úgit júrgizýge tyiym salynady. Al 23 tamyzda Quryltai depýtattaryn sailaý boiynsha daýys berý ótedi.
