Premer-ministr Oljas Bektenov jańadan ashylatyn halyqaralyq áýe reisteri keshigip jatqanyn aityp, Kólik ministrligin synǵa aldy, dep habarlaidy dalanews.kz.
Úkimet otyrysynda premer-ministr Niý-Iork, Tokio jáne ózge de baǵyttar boiynsha tikelei reister ashý máselesi kópten beri aitylyp kele jatqanyn, alaida naqty nátije joq ekenin málimdedi.
"Niý-Iorkke, Tokioǵa, basqa da baǵyttar boiynsha tikelei jańa reis ashamyz" dep kópten beri áńgime qozǵap jatyrmyz, áli nátije joq. Qandai sharalar qabyldap jatsyzdar?" - dedi Oljas Bektenov.
Kólik ministri Nurlan Saýranbaevtyń málimetinshe, qazir Astanadan shetelge 34 halyqaralyq baǵyt boiynsha reister oryndalady. Jyl sońyna deiin taǵy bes baǵytty ashý josparlanǵan.
Ministrdiń aitýynsha, Tokioǵa tikelei reis biyl tórtinshi toqsanda iske qosylsa, AQSh-pen tikelei áýe qatynasy kelesi jyldyń ekinshi toqsanyna josparlanyp otyr.
Premer-ministr kólik ministrine "qur sóz bolyp qalmasyn" dep eskertý jasady.
