Qazaqstan azamattary aldaǵy ýaqytta Ońtústik Koreiada resmi túrde eńbek etý múmkindigine ie bolady. El eńbek kóshi-qonyna arnalǵan Employment Permit System (EPS) baǵdarlamasyna qosyldy, dep habarlaidy dalanews.kz.
Jańa tetik aiasynda qazaqstandyq mamandardy Ońtústik Koreianyń kásiporyndaryna zańdy túrde jumysqa ornalastyrý josparlanyp otyr. Alǵashqy eńbek migranttary bul elge 2028 jyldan bastap attana alady.
Baǵdarlamaǵa qatysý úshin úmitkerler birneshe kezeńnen ótýi tiis. Atap aitqanda, olar korei tilinen test tapsyryp, kásibi daǵdylaryn tekserýden ótkizip, meditsinalyq tekserýden ótýi qajet bolady.
Eńbek jáne halyqty áleýmettik qorǵaý ministrliginiń málimetinshe, baǵdarlamaǵa qatysý tártibi, qujattardy qabyldaý merzimi men ózge de talaptarǵa qatysty tolyq aqparat keiinirek jariialanady.
